Sortzaileen egongela
Gure programak 8 urte edo gehiagoko gazteei zuzendutako "learn by doing" (eginez ikasi), lankidetza eta STEAM (Science, Technology, Engineering, Arts and Mathematics) irakaskuntzan oinarritutako hezkuntza proposatzen du. Eduki guztia eskola-curriculumari lotuta dago; horrela, eskolan ikasten dutena praktikan jarri ahal izango dute beren proiektuetan. Modu honetan, edukiak benetan barneratu ahalko dituzte eta ez soilik buruz ikasi. Komunikazio-hizkuntza nagusia euskara izango da, baina ingelesezko eta gaztelaniazko taldeak ere eskaintzen ditugu.
Genero-ikuspegia
Genero-ikuspegia duen irakaskuntza eskaintzen dugu. Datuek diotenez, zientzien munduarekin zerikusia duten goi-mailako ikasketetan emakumeak % 35 baino ez dira, eta ehuneko horretatik, erdiek osasunarekin eta ongizatearekin lotutako ikasketak egiten dituzte. Datu horien aurrean, guk genero-estereotipoak identifikatzen eta lantzen dituen metodologia bat erabiltzeko konpromisoa hartzen dugu. Gainera, ikasturtean zehar, historian egon eta badiren STEAM adarretako emakume garrantzitsu guztiak erakutsi eta deskubrituko ditugu, neskek erreferenteak izan ditzaten, haiei erreparatzeko eta haiekin lotura sortu dezaten.
Norabide anitzeko proiektuak
Diziplina anitzeko proiektu ugari garatuko dira hainbat teknologiekin harremanetan; hezkuntza-erronketatik abiatuta, esaterako, bere lehen film laburraren filmazioa, robotak programatzea eta 3D inprimaketa burutu ahalko dute. Dena ingurune kooperatibo eta ludiko batean, gozatuz gero hobeto sortzen baita beti.
Proiektu horiek egiteak trebetasun sozialak garatzen lagunduko die, hala nola, proaktibitatea, talde-lana eta erantzukizuna. Gure zeregina sormen-prozesuetan gidatzea eta laguntzea izango da. Eduki teorikoak ezagutuko dituzte, prozesuan jolastuz, eta gogobetekoa izango da proiektu pertsonal bat egitea lortu dutela ikusten dutenean, haien autoestimua indartuz. "Fast-finisher-entzat" erronka gehigarriak proposatuko ditugu, proiektu berri bat hasi edo itxaron behar izan gabe ikasten eta sakontzen jarraitu ahal izateko.
Hiruhileko bakoitzean, ikasleek hainbat esplorazio-arlotatik egingo diete aurre erronkei; hainbat teknologia erakutsiko dizkiegu, sormen-prozesuan tresna gisa erabil ditzaten.
Etorkizuneko ingeniari txikiak izateaz gain, zientzialariak, arkitektoak, musikariak eta asmatzaileak ere izango dira ikasleak
Proiektuen garapenerako diseinu-prozesua
Proiektuetan sormena modu hoberenean bideratzeko erabiltzen dugun tresna diseinu-prozesua da, profesionalek eta artistek arazoei irtenbideak sortzeko garatzen duten metodologia arrakastatsuena